أخيرا عطفت لأقدار
و بان ليا ضي نهار
أنتي،يا اللي اسمك مكنون في السر..
معرفتي بيك صدفة و زهر
تلاقينا عقل و خاطر
لا لمست إيد ولا عين تناظر
بينا غير كلام، كلام عامر
بالمحنة و المحبة فاير
أنا كتبت..حياة و عمر
و أنتي قريتني..بلا أمر
تسابقنا باللّغا...و تقادّينا بالملاغا
جمع بينا لهبال...وخا باين فينا اننا من العقال
راك بالظرافة و الجمال
و لسان لحلو بالقيل و القال
ما خليتيلي حتا مجال
غير نقول..قلبي هديته لك في الحال
وحدك يا مولات لوجه المزيون بالخال
(قعقاع)
تعليقات
إرسال تعليق