بنت آل ساموراي (تهنيت)

سلام عليكم:
شكون فيكم فايت له سمع الحياني (الله يرحمه) وهو تيقول:
هزيت عيني..
سرقت شويفة..
هادية و لطيفة..
لقيت ضحكة كتهبل..
فيها شمس، وفيها ظل...
الحفيظ الله .. مشاو بيا
أحباااااس..
رجع السينتة..الله يرحمك يا الحياني تفكرتك..بسباب واحد القضية.
انا من هزيت عيني..شفت حليمة..
تفكرتوها، اخت بوسيف..مسكينة بقات فيا..
الزغبية نهار كله نظرها للسما مخطوف..وفي سطحهم تبقى تطوف..
من بعد الحادثة لتسبب فيها خوها لحلوف
...(شششش هاد سمية غا بيناتنا)...
و اللي بغا يعرف آش وقع..يحل وذنيه ويسمع.
حليمة قالتلك واحد نهار..بغات تخمل الدار..و بدات ببيت شبيه عنتر..
لبيت عنده بحال شي جوطية..
بدات كتجمع و تستف..وبالجهالة لحوايج تخطف..
حتا جات نوبة واحد تجوكيطا قديمة..ريحتها تقبس بحال شي بهيمة..
إخ خخخخ أككككك..
بدات كتسب و تلعن..وحيث الشغل عندها باسلوب أرعن..
لاحتها على جنب..
وهي تسمع شي حاجة تكلمت.
(دارت قشش)
عيونها جحظات..من شافت آش فرشخات..
إوا على زيت زريعة القنب..حياتها سفاها على علاها غادا تقلب..
وهذ لمسألة ما فيها لا حزر ولا رطب.
بوسيف، يا لطيف..خرج من المانطة كيف السيف..حالو بلاش ليكم نصيف..
تغدد وبدا يرعد..و جنو خرج و تزاد له في الجهد..
كوكوط حداه محطوطة..شير بيها على المسخوطة..
آآهه...ما كملاتهاش..
و حيث الصكعة عزيز عليها الكورة..وبالاخص مسجل الاهداف الاسطورة..
تلقات للكوكوط بالروسية..
زداااااوووو..آااا لعاداوووووو..
مسكينة ما عندهاش مع حراسة المرمى..طاحت بحال شي دودة..و تمة بقات ممدودة.
صبحات فاقدة للذاكرة..وبالاخص الاحداث الأخيرة.
وانا نجيت من هذ لعائلة الخطيرة.
انا فيها ما تشفيت..ولكن راها كانت غمة و منها تفاجيت.
الحمد لله على سلامتي.
ما احلى صيف و ما احلى جمالو..تررررن ترنننن..قعقاع تهنى و رتاح بالو..تنرررننن..اللي يحب محبوبو..يقصد بابو..ماشي يقله أجي نتصاحبو

(قعقاع)