أقول.أسمع، أقول.أسمع
..
هذي هي الافتتاحية. لحصة العربية.
سمع أ هذاك الضبع.
و أنت. أيه أنت آ لقرع. بجوج بيكم .. واحد يشكل و لاخر بالاعراب يتبع.
يالاه طلقونا..
واش مسلط علينا..هذ خونا..الضبع و انا..كتشعل فينا السخانا..مللي النص تاي تسنانا..بحلا غير حنا للي قرانا.
هذ لوستاذ..وخا يصلخنا راه بحال بونا..علاه ماشي هو مدرستي امي لحنونة..الخلاصة مجموعة فيه لعائلة كلها.
شحال كانو فيه تاع لقوالب..تݣول مربي مع الثعالب..يكتب النص بالحرف مقصص..تݣول دار ليه (كوبي)..وحطو ب(كولي) في السبورة.كيف الويندوز بلا عربية..
البداية ديال النص كالآتي: -ك.ل.م.ل.ح.ا.ح.ب.ك.ث.ر.ة...
هههه حيث قاريين بزاف..لحروف تاي طيرو من اللسان بالمنداف..موحا قرا ما قرا و زݣل..و نظام الجملة خلخل..خلَا لوستاذ في جلايلو يتركل..راسي براسو ليوم غاي يتقلقل.
إوا سمعوا يا سيادي..قراية موحا الذي..سيكون سباب في ازرراق يدي.
»كل ملح احب كثرة«
الشكل عندو مبالغ فيه..التقفقيفة زادت كملت عليه..ناض لوستاذ لهلا يخطيه..بزربة شدو من وذنيه..موحا مسكين..واقلا لوستاذ حل ليه روبيني (د'آغي) حيث بان ليا (بحال ماء) مهود بين رجليه وقت كان مع لوستاذ ساهي.
-آش قلتي يا لبالا..يا للعلم جا حتال عندك و عرفو تسالا..-آ حوم باك آ لوستاذ..آ حوم باك..ما نفعو تزاويݣ..الوعيد اللي كاي ستناه لهلا يوريك..أنا شادني الضحكة كثر من الخلعة..حتا توصل لشلاقمي باش تخرج كانبلعها..(موسيوه) تنبه ليا..و حماضت لقضية..وقت نطالقت ضحكة انفجارية.
موحا الغول حمّر فيا..ونا نسرطها دغية..ها ناري ميمتي..كي غا تدوز عندي هذ ظهرية..ليوم شي عين غا تزراݣ ليا..أما لوستاذ عاد يشبه لشرشبيل بالمشية المحنية..أُو هو تاي قرب ليا..بيني و بينكم الى شدني..غادي يسنفرني مزيان..
تلافتت..في تلامذ القسم..نظرة لفراق شفت..بلاصتي بينهم ودعت..و بزربة فكرت..عمدت على رجلي الليسرية..وغزلت هذ الجسد بحال الطرومبية..فرررررررررر..ما بان ليا غير الباب آ لحباب..عيط جبد و سمحت في الكرطاب..حتا من السور نقزتو بلا من ندير له حساب.
واقيلا، حطمت زوج لرقام قياسية ذاك النهار..في القفز العلوي..و الماراطون.
موحا يدو خباطة..بونية واحدة ما يفرقوش بيني وبين لبطاطا..أما لوستاذ..وادو واد..الكرم تتاعو تا يفوت الجواد..ما كاين غا التمشحيط للمصاصيط.
من ذاك نهار ما فت الحطة حتا دخل هو لسلك الشرطة..كيف دار لها..الى فهمت غا نتسطّا..أو نتسوطا.
ولّا ملزوم عليا نغادر الدوار..ولا يجي ينتقم مني فشي نهار.
و اللي تساءل علاش هو سبب ازرراق اليدين،حيث عل لقراية..لقيتني فاتني الفوت، و المدرسة دازت فوقها لوطوروت..و زادت بعدت عليا آ لخوت..أُو دابا راني خدام نحك سراول الدجين..الى هذ الحين.
و مع ذلك حنا هانيين..شبه خدامين..مول طوبيس معيشين..مول لكرا والما والضو..تنصدقوا علهم ذاكشي لمخلصين..تا ناكل خبز الذرة..و فرماجة تاع عشرة(حيث بيريمي)..وكاس اتاي مشحر..بلا سكر..ولا زمر.
أو عااااااايش عل الانتظار المليار.
(قعقاع)
..
هذي هي الافتتاحية. لحصة العربية.
سمع أ هذاك الضبع.
و أنت. أيه أنت آ لقرع. بجوج بيكم .. واحد يشكل و لاخر بالاعراب يتبع.
يالاه طلقونا..
واش مسلط علينا..هذ خونا..الضبع و انا..كتشعل فينا السخانا..مللي النص تاي تسنانا..بحلا غير حنا للي قرانا.
هذ لوستاذ..وخا يصلخنا راه بحال بونا..علاه ماشي هو مدرستي امي لحنونة..الخلاصة مجموعة فيه لعائلة كلها.
شحال كانو فيه تاع لقوالب..تݣول مربي مع الثعالب..يكتب النص بالحرف مقصص..تݣول دار ليه (كوبي)..وحطو ب(كولي) في السبورة.كيف الويندوز بلا عربية..
البداية ديال النص كالآتي: -ك.ل.م.ل.ح.ا.ح.ب.ك.ث.ر.ة...
هههه حيث قاريين بزاف..لحروف تاي طيرو من اللسان بالمنداف..موحا قرا ما قرا و زݣل..و نظام الجملة خلخل..خلَا لوستاذ في جلايلو يتركل..راسي براسو ليوم غاي يتقلقل.
إوا سمعوا يا سيادي..قراية موحا الذي..سيكون سباب في ازرراق يدي.
»كل ملح احب كثرة«
الشكل عندو مبالغ فيه..التقفقيفة زادت كملت عليه..ناض لوستاذ لهلا يخطيه..بزربة شدو من وذنيه..موحا مسكين..واقلا لوستاذ حل ليه روبيني (د'آغي) حيث بان ليا (بحال ماء) مهود بين رجليه وقت كان مع لوستاذ ساهي.
-آش قلتي يا لبالا..يا للعلم جا حتال عندك و عرفو تسالا..-آ حوم باك آ لوستاذ..آ حوم باك..ما نفعو تزاويݣ..الوعيد اللي كاي ستناه لهلا يوريك..أنا شادني الضحكة كثر من الخلعة..حتا توصل لشلاقمي باش تخرج كانبلعها..(موسيوه) تنبه ليا..و حماضت لقضية..وقت نطالقت ضحكة انفجارية.
موحا الغول حمّر فيا..ونا نسرطها دغية..ها ناري ميمتي..كي غا تدوز عندي هذ ظهرية..ليوم شي عين غا تزراݣ ليا..أما لوستاذ عاد يشبه لشرشبيل بالمشية المحنية..أُو هو تاي قرب ليا..بيني و بينكم الى شدني..غادي يسنفرني مزيان..
تلافتت..في تلامذ القسم..نظرة لفراق شفت..بلاصتي بينهم ودعت..و بزربة فكرت..عمدت على رجلي الليسرية..وغزلت هذ الجسد بحال الطرومبية..فرررررررررر..ما بان ليا غير الباب آ لحباب..عيط جبد و سمحت في الكرطاب..حتا من السور نقزتو بلا من ندير له حساب.
واقيلا، حطمت زوج لرقام قياسية ذاك النهار..في القفز العلوي..و الماراطون.
موحا يدو خباطة..بونية واحدة ما يفرقوش بيني وبين لبطاطا..أما لوستاذ..وادو واد..الكرم تتاعو تا يفوت الجواد..ما كاين غا التمشحيط للمصاصيط.
من ذاك نهار ما فت الحطة حتا دخل هو لسلك الشرطة..كيف دار لها..الى فهمت غا نتسطّا..أو نتسوطا.
ولّا ملزوم عليا نغادر الدوار..ولا يجي ينتقم مني فشي نهار.
و اللي تساءل علاش هو سبب ازرراق اليدين،حيث عل لقراية..لقيتني فاتني الفوت، و المدرسة دازت فوقها لوطوروت..و زادت بعدت عليا آ لخوت..أُو دابا راني خدام نحك سراول الدجين..الى هذ الحين.
و مع ذلك حنا هانيين..شبه خدامين..مول طوبيس معيشين..مول لكرا والما والضو..تنصدقوا علهم ذاكشي لمخلصين..تا ناكل خبز الذرة..و فرماجة تاع عشرة(حيث بيريمي)..وكاس اتاي مشحر..بلا سكر..ولا زمر.
أو عااااااايش عل الانتظار المليار.
(قعقاع)
تعليقات
إرسال تعليق