ذلُّ الشموخ

نسر طيار ..
جناحو طول بالمتار .. 
عنده مخالب كامشة و معروف بحدة البصار..
سلطان في سماه .. ل
ا حد يملغ معاه .. 
من الهيبة اللي ربي عطاه.
غير ينشر جناحو .. 
تلقى من على رواحهم خافوا .. 
في غار لامان تلاحوا .. 
ما ضمنوا السلامة إلى تحتو ساحوا.
ما حسب حساب .. 
اش مخبيه له المكتاب ..
من تصاب بالعطاب ..
لا حد منه زعم يقرب .. 
و بقى وحدو يتعذب.
رد فيهم الخوف سنة ..
و ما لقا من يمد له يد المحنة ..
هو بوحدو ..
لا حبيب لا عدو .. 
و لا عاد ينفعو جهدو.
الصدر المنفوخ عمر بالجروح ..
العينين من بريقهم طفاو .. 
الجنحين من الريش خواو .. 
و العظام الثقال رشاوا.
و هكذا بقا حتى روحو زهقات .. 
و الخلايق منو تهنات .. 
و أياموا تمحات و من الذاكرة تنسات.
فهم المعاني . يا قوي رواني . 
أولك و آخرك ضعف . و مصيرك توقف في الصف.

(قعقاع)