الحمال

طول النهار في السوق جوال
سومتو سومت بشحال
النهار و ما طال لناس يسال
وعلى ظهرو كيهز لحمال
حتا عادت حرفة، تنقلت لأجيال
قصار الطريق ولا طوال
الثمن هو الثمن، خفيف او ثقال
راسماله صحة، و عليها عوال
إنما مصيرها مع الوقت تذبال
وخا تكون تتهد لجبال
لوقت اللي جاني في البال
تفكرت..واحد من اقوى الرجال
تظن جهدو يتقاضى موحال
ولكن تبدلت لاحوال
وصار يرعش، من يهز يده للناس بالسؤال
أولنا..أخرنا، ضعف يا إنسان

(قعقاع)