عائشة أمي الغالية

الغالية بغيت نقول في حقك كلمة
سطوعك في حياتي فاق ضو النجمة
بالمحنّة نورتي دواخل العتمة
رب زرع فيك سر من اسرار الرحمة
و هناك ترسمي في وجهي البسمة
يا اما: آش هي لحياة بلا بيك نتيا
يا اما: كيف لا غبتي شوية عليا
يا اما: تبسال و يتبدل مذاق الدنيا
سميتك تخرج من الفم مثل النغمة
حضنك الدافي لحافي وقت الغمة
خاطر مضيوم يتفاجى برقّ الضمة
واه يا لعزيزة .. راك ديما في البال
واه يا لعزيزة .. حبك فيا يسري جوال
واه يا لعزيزة .. تعطي ولا تسناي سوال
واه يا لعزيزة .. نرد من فضالك شوية محال
واه يا لعزيزة .. دعوتك تنفع في كل مكان
واه يا لعزيزة .. نطلب ليك خير لمقام بالجنان

(قعقاع)