كنت خدام

يا حليلي ... يا حليلي
محسوب راني خدام
و نزيدك راها ماشي للدوام
وخا نخرج في سروية
و ما نرجع تال لعشوية
ظريفين هذ ناس
تيفكروا لينا بواحد الإحساس
ما عند جد بوه قياس
لا حقاش تانعياوا داغيا
قالوا بلاش الرسمية
عديوا بيهم غير شوية
ما فيها باس نديروا بينهم التناسفية
مرة دري، ..مرات درية

يا حليلي ... يا حليلي
نهار شديت الشهرية
جاها الإعدام، محاكمة فورية
لا رحمة و لا شفقة..من اللجنة الرباعية:
مول لكرا
مول الما و الضو
مول الحانوت
مول المركوب
و أخيرا, المضاف إليه.. الجيب المثقوب

الحياة مرّة في عيني تذوب
واقع معلَك ما منه هروب
ما سوينا هنا، و لهيه مكيلين الذنوب
رحمتك يا غافر الذنب و قابل التوب

(قعقاع)