الكرداس البشري

*بسسس..بسسس..بس بس
ويتي ويتي على مولات لخال
اللي شافك زاد عله الحال
وخا يكون زيزون يسكد لمقال
 الكرداسة..
 تنقلب عل للوناسة
*واش ما بقى احترام لبنات الناس
ياكما دختي حيث معصورة بهذ اللباس
وخخا لبسي مزير..ومشيتي تحير
لا تبقاش تحنزز..
ولا تدور بيا بحال ش طوير
إيخخخخ خزوت طليتوا الزناقي
و كملتوا على اللي باقي

*إلى فهمت شي حاجة بغيت ليا شي قنبولة.
كيفاش زعمة..؟
دابا نتي معرية كل هذ اللحم
و ريحتك تخطف لعقال و قلوبهم تتسمم
و خاص الناس توقرك و منك تحشم
وبغيتني نكون بحال جبل توبقال
ما نتزعزع ما نقوم بردود لافعال
!!!!!~~!!!!!

*إييه أ ولد بلادي
شوف و سكت .. جاي وللا غادي
هادشي خلاوه يوللي عادي
بين العادي و البادي
فنيك يا مامات ولادي

*المرا عمود، يشد حبال الخيمة
يلا مال، لبنية ماهي سليمة
الى تريب.. تعود بلا قيمة
العواقب راها تكون وخيمة
و النجا مرة وحدة، ماشي ديما
الى مشا لحيا، اش من فرق بين بني آدم و البهيمة

(قعقاع)