بحالي بحال كيف الناس..بكثرة الهضور تنفخ ليا الراس..اقراني شي تأهل و دا لكاس..وشي دخل لتصفيات و رشم aالساس..
بعدما تا انا تحركوا افّادي..لازمني نجمع حالي بأم ولادي..واه حتا لين غا نبقا فرادي..لعمر للقدام غادي..إوا راه خاصني نغرس وتادي..و نزيد بالسلالة، زريعة اجدادي.
اوا..نقاد الحالة..ونلبس لباس الناس العوّالة..
لا تحسبونيشي راني من البوهالة..أوهو ..خوكم سيكسي:
ديما مأنتك..صبيبيط مسيري..و توجوغ للعيون آثيري.
تبعت الاصول و الصواب..و مشيت قاصد الباب..دقيت دقة الناس الخطاب..هاهي تحلات الدفة نتاع النساب..
(الموشطاج)..و عليكم السلام..ياك لاباس.
(أواه زعمة ما بيناش عليا حالة الخطاب)
شفت هاه وهاه..أخخخخ!!
دعاوي لبلا..نسيت المشموم..و حتا لقوالب..
سمح ليا آ سي لموش...أأأأأ ببا لحاج........مشيت فرفارة... .. ...
*بعد برهة..*
دق دق دق..آ شكون؟..
سلام عليكم..
عاوتاني نتا..آش بغيتي؟
درت عاوتاني هاه هاه..لقيتني هو هاداك..مزيّز وخا مكنزز..
ناري، قفرتها تا فين خليت واليديا..ناري ي ي ي..نسيتهم.
أححح على زواج ليوم.. عاد هد لوقت شي صعيب..ينسيك اهلك البعيد و القريب..
خاصني نتصرف:
أأأأأ...ببا الحاج ولد الناس..طالب القرب من احسن ناس..
آآآه جاي تخطب..دخل أ وليدي ما قلت عيب..
مرحبا بمولاي السلطان..و اللي،فيه الخير يبان.
دخلنا..في الصالة جلسنا..شي عيون من لهيه تراقبنا.
صراحة بترحابهم ما عندي ما نقول..خاصني غير كيف ننال القبول..
سمح ليا أ ببا الحاج..على دخلتي المزروبة..عذرني غير هذ النوبة..مرة لماجية تكون محسوبة..
أهه أهه..ما كاين باس هاهاهاهاهاه طلب غا تكون لك مكتوبة.
زنوبة أ زنوباآآآآآ..عمّر براد ياتاي مشحر وبالشيح و الزعتر ..و السكار بو طوبة..
إوا.....
فاين هما والديك..نعم أ سيدي قلت تتعرفو عليا..(شي أداب طاح عليا ما موالفو فيا)..عاد نجيب والديا..آه نعم سي الحاج حيث هما عزاز عليا..قلت بلا ما نعذبهم حتى نتبثوا القضية..
آه ..فيها خير..واخ، اوا قوليا..فين شفتي الدريا..
ولد الذينا صمكني بهذ السؤال..
دخت و ما حسبت له حساب و لا جاني في لبال..
ولكن ما تخافوش..خوكم حربي..وجوابو مسربي..
جوابي كان من واحد الاغنية..معدلة على طريقة ولد الغالية.
(وا ني مرة مريت..بجنب باب البيت..لقيتكوا تتبيعوا الزيت..5 يترو من عدكم شريت..وهي كانت شادا لخلاص..تمة قلت مامات ولادي لقيت)
صراحة أ عمي بنتكم أخلاقها يا سلام..جوج كلمات جابت ليا بيهم التمام..قالت ياعمي..ها الصرف و الله يخلف..بنتكم بنت لحلال..
(يبرم ذاك الموشطاج)
و شحال في عمرك؟
درت له واحد المراوغة بالقافية..خليتو غ تي بقلل فيا..
قدي قد ميسي أ عمي في الطول و العمر..وخخا مفاوتين في المال و الزهر..
أممممم..مزيان..قوليا آ ولدي فاش خدام؟
....!!!!!! {0_o} جاوبوه نتوما...!!!!!
وحلة و آش من وحلة هذي..آش غا نقوله يا سيادي..زعما خافيا عله حال شباب بلادي..
خدام في الفيسبوك أ عمي..
أواه تتا خدام مع زوكينبيرغ..!..آش تدير أ وليدي..
أأأأأأأأ..زوكنبيرغ !!!..(تانتا تعرف مول هذ لبلا)
آه..حاضي خبار بنادم..اللي عجبني نكومونطي له و نجمجم..وكل نهار حاجة جديدة نتسلم..
على هذ لحساب راك شي حاجة كبيرة تم..يعني راك مرسم..
ضحكني مول الموشطاج..من شحال هذا أ عمي..
أ زنوبة آزنوبة أفاين ياتاي..ولا تعطلي شاي..
الموشطاج من حسب ليه راني خدام مع ليهودي..نسا يسولني على أصلي و مدودي.. عاد باغي يشد في حدودي..و يربطني بموعودي..
امي .. امي .. الزواج وللا بيع وشرا.....
نختمها ب..:
قولي للباك يا زنوبة
راك ماشي سلعة للبيع
هذي حياتك يا محبوبة
و القرار ما يكون سريع
يفكر ليك ب اللي يهنيك..
ما يهديك لمن يشريك..
ليوم ذهب غدا تسواي طوبة
أنا درويش و مسكين
إنما قلبي حنين يا نوارة..
و مرضي الوالدين
انا مخصوص و فقير
شكون قال هذا مصير
الله هو الرزّاق يا جوهرة..
قادر يعطيني في الحين
من قدام الربح يفيض الخير
كوني لي عوين..نديرك مومو العين
يا زنوباآآآآآآآآآآآ
(قعقاع)
بعدما تا انا تحركوا افّادي..لازمني نجمع حالي بأم ولادي..واه حتا لين غا نبقا فرادي..لعمر للقدام غادي..إوا راه خاصني نغرس وتادي..و نزيد بالسلالة، زريعة اجدادي.
اوا..نقاد الحالة..ونلبس لباس الناس العوّالة..
لا تحسبونيشي راني من البوهالة..أوهو ..خوكم سيكسي:
ديما مأنتك..صبيبيط مسيري..و توجوغ للعيون آثيري.
تبعت الاصول و الصواب..و مشيت قاصد الباب..دقيت دقة الناس الخطاب..هاهي تحلات الدفة نتاع النساب..
(الموشطاج)..و عليكم السلام..ياك لاباس.
(أواه زعمة ما بيناش عليا حالة الخطاب)
شفت هاه وهاه..أخخخخ!!
دعاوي لبلا..نسيت المشموم..و حتا لقوالب..
سمح ليا آ سي لموش...أأأأأ ببا لحاج........مشيت فرفارة... .. ...
*بعد برهة..*
دق دق دق..آ شكون؟..
سلام عليكم..
عاوتاني نتا..آش بغيتي؟
درت عاوتاني هاه هاه..لقيتني هو هاداك..مزيّز وخا مكنزز..
ناري، قفرتها تا فين خليت واليديا..ناري ي ي ي..نسيتهم.
أححح على زواج ليوم.. عاد هد لوقت شي صعيب..ينسيك اهلك البعيد و القريب..
خاصني نتصرف:
أأأأأ...ببا الحاج ولد الناس..طالب القرب من احسن ناس..
آآآه جاي تخطب..دخل أ وليدي ما قلت عيب..
مرحبا بمولاي السلطان..و اللي،فيه الخير يبان.
دخلنا..في الصالة جلسنا..شي عيون من لهيه تراقبنا.
صراحة بترحابهم ما عندي ما نقول..خاصني غير كيف ننال القبول..
سمح ليا أ ببا الحاج..على دخلتي المزروبة..عذرني غير هذ النوبة..مرة لماجية تكون محسوبة..
أهه أهه..ما كاين باس هاهاهاهاهاه طلب غا تكون لك مكتوبة.
زنوبة أ زنوباآآآآآ..عمّر براد ياتاي مشحر وبالشيح و الزعتر ..و السكار بو طوبة..
إوا.....
فاين هما والديك..نعم أ سيدي قلت تتعرفو عليا..(شي أداب طاح عليا ما موالفو فيا)..عاد نجيب والديا..آه نعم سي الحاج حيث هما عزاز عليا..قلت بلا ما نعذبهم حتى نتبثوا القضية..
آه ..فيها خير..واخ، اوا قوليا..فين شفتي الدريا..
ولد الذينا صمكني بهذ السؤال..
دخت و ما حسبت له حساب و لا جاني في لبال..
ولكن ما تخافوش..خوكم حربي..وجوابو مسربي..
جوابي كان من واحد الاغنية..معدلة على طريقة ولد الغالية.
(وا ني مرة مريت..بجنب باب البيت..لقيتكوا تتبيعوا الزيت..5 يترو من عدكم شريت..وهي كانت شادا لخلاص..تمة قلت مامات ولادي لقيت)
صراحة أ عمي بنتكم أخلاقها يا سلام..جوج كلمات جابت ليا بيهم التمام..قالت ياعمي..ها الصرف و الله يخلف..بنتكم بنت لحلال..
(يبرم ذاك الموشطاج)
و شحال في عمرك؟
درت له واحد المراوغة بالقافية..خليتو غ تي بقلل فيا..
قدي قد ميسي أ عمي في الطول و العمر..وخخا مفاوتين في المال و الزهر..
أممممم..مزيان..قوليا آ ولدي فاش خدام؟
....!!!!!! {0_o} جاوبوه نتوما...!!!!!
وحلة و آش من وحلة هذي..آش غا نقوله يا سيادي..زعما خافيا عله حال شباب بلادي..
خدام في الفيسبوك أ عمي..
أواه تتا خدام مع زوكينبيرغ..!..آش تدير أ وليدي..
أأأأأأأأ..زوكنبيرغ !!!..(تانتا تعرف مول هذ لبلا)
آه..حاضي خبار بنادم..اللي عجبني نكومونطي له و نجمجم..وكل نهار حاجة جديدة نتسلم..
على هذ لحساب راك شي حاجة كبيرة تم..يعني راك مرسم..
ضحكني مول الموشطاج..من شحال هذا أ عمي..
أ زنوبة آزنوبة أفاين ياتاي..ولا تعطلي شاي..
الموشطاج من حسب ليه راني خدام مع ليهودي..نسا يسولني على أصلي و مدودي.. عاد باغي يشد في حدودي..و يربطني بموعودي..
امي .. امي .. الزواج وللا بيع وشرا.....
نختمها ب..:
قولي للباك يا زنوبة
راك ماشي سلعة للبيع
هذي حياتك يا محبوبة
و القرار ما يكون سريع
يفكر ليك ب اللي يهنيك..
ما يهديك لمن يشريك..
ليوم ذهب غدا تسواي طوبة
أنا درويش و مسكين
إنما قلبي حنين يا نوارة..
و مرضي الوالدين
انا مخصوص و فقير
شكون قال هذا مصير
الله هو الرزّاق يا جوهرة..
قادر يعطيني في الحين
من قدام الربح يفيض الخير
كوني لي عوين..نديرك مومو العين
يا زنوباآآآآآآآآآآآ
(قعقاع)
تعليقات
إرسال تعليق