فيافي الجنوب

مغربية صحرا مغربية
محبتها ف لقلب أزلية
أرض برمالها الذهبية..
بلهجاتها حسانية و أمازيغية
..تتكلم هي عربية

في فيافي الجنوب شفت لعجوب
مساكن شامخة مبنية غير بالطوب!
أركانها واقفة ما تشكي عيوب
فيها لبساطة و الضيف محبوب
تواسع و مروح آبا عروب

دار مجاورة دار
وحيوط صامتة ما تبوح بالاسرار
تحس لامان حتى عند للأطيار
داخلها مخبي ما عز من أثار
لفرح و لحزن يجمع أهل الدوار

واحاتك يا صحرا كرم و نخيل
ثامرة واخا ماها قليل
وادها مرة ناشف و مرة يسيل
حافظ مجراه بلا تبديل
ليه مع الجنانات قصة تاريخها طويل

مع الأسف مع الأسف
يا بلادي شلا فيك ما يتشاف
الجيب خاوي و الوقت ماهو مسعاف
برع راسك آ مول الصرف قبل ما يجيك لجفاف

(قعقاع)