عسلية العين

مولات لعيون العسلية
قدامي غادا جاية
تمشي صباح و ترجع عشية
صورتها ديما هي هي
القد الممشوق و الهمة العالية
مولات لعيون العسلية
دات لي لعقل
ريحها يهبل
حوطات قلبي بحبل
بدقاتو عاد الصدر مخلخل 
يا مولات لعيون العسلية
شوفاتك راها كاوية
قولي ليا علا آش ناوية
واش بنيراني تبقاي ضاوية
و بدموعي تبقاي راوية
مولات لعيون لعسلية
بلا بيك لحياة راها عديمة
حسبيني نتنهد تحت الرديمة
نتسنى نهاية تكون رحيمة

(قعقاع)