خدمة طزز

يا سيدي الى لقيتي الخدمة
وياك ثم وياك.. تظن أنها مرسمة
أُوهُو .. ممنوع آ ولد امّا
راك غا مؤقت تمّآ
و بلاها الصدمة
را يبدلوك بواحد ياخر من العرمة.
و فيها لا ثيق ..
حيث نتا فيها غا طريق
باش تدوز علك الدكاكة
باسم عاونوا الفريق
الفريق يتكون آ مولاي من:
(طامو، نتا أمين، البونية، القرقابة، الاقتلاعات،)
و المانضة .. زعما اللعّآقة
اللي دازوا علها اللمّاقة
آش خلاو. و شحال من ورق باقة
ولو يمدوها ليك شيك
راه غا سميك
لا يغرك .. راه ما يكفيك
و لهلا يسلط علك من فيه يحضيك
آ زطم و ضرب الطَم
للمخار يعيق بيك
آيوا .. سمع ليا نوصيك
لا يسخن علك راسك..
وتبغي تنشط شي شويك
مع لكرا، الما، الضو ..
من بعد الكانزا تولي..
الحززقة محومة عليك
الله يعفو علينا و عليك
المستهلك من بكري تهلك
و هادشي للي تانكول ..
راه غير باش تسلك في هذ لحال المعلّك.
(كلامي خاص ب  صيليباطيغ..
أما اللي أون كوبل ترفع عليهم القلم)

(قعقاع)