حنا بلا هنا

أههه .. هه.. هه
تا شي ما درنا
سنين باش تعتقنا
ولا بان فين تقدمنا
شحال من مساطر بها تقننا
نراضيوا بها عدونا
وهو ما زايد غير يمحنا
لا دين لا سنة علها اعتمدنا
أمر المولى نسينا، و هجرنا
شحال من حاجة، ياك فيها فشلنا
حيث عرف الغاب هو للي تبعنا
مسؤول مزيد الناس ،للكرنة
يذبح و يسلخ و من الفوق يوشمنا
يدين تصفق عل للي يغدرنا
و يدين تصرفق من حب يخدمنا
يا ودي شي واحد يهضر ، و يفهمنا
علاش كلشي تنور,
و حنا ظلامنا كي القبر؟
بقينا حنا هما حنا ،و آش مجمدنا
نقولوا من كثرة الهم تفقصنا
و للي مضيوم يضحكنا

(قعقاع)