الذيب

هذا كلام ما نقول أنا مولاه
قبل مني ناس كتبو لغاه
ناس بالخفا و لخرين فرزو معناه
المعقول زين ولكن من بغاه
تابعين الزواق و لي رواه
كل واحد عارف مسعاه
كلامو مدهون يا محلاه
ساكت على خزيت حتى يلوح بلاه
حتى تمكن و المنصب داه
السيد تقلب سفاه على علاه
نسى العهد لي عطاه
همو متاع الدنيا لي سطاه
بيديه و برجليه يجمع كل مال لقاه
يسوط ف كل من يتحداه
ما حن في ل ترجاه
ولا شاف المزاوك ف باه

قعقاع