السلام عليكم:
بغيت رايكم في واحد لقضية..ياك حنا تنعيشوا في بلاد الحرية..و حتا حد ما يقدر يقمعني ولا يتعدّا عليا..
إوا يا سيادي، انا راني تهنت..وقدام اهلي تبهدلت..بجورو فرعن، فرعن..و فيا ما حنّْ.
إوا سمعوا النازلة كيف طرات:
القصة يا لخوات..كانت في إحدى الليالي حياني..و اللي خرج فيها يقول آش داني..آش دانيييييي
المهم، مخشي في الدار..كالس وحدي في واحد لبيت بحال الغار..كنمقص في الظفار..مرة ندندن و مرة نهرنن..ساعة وهو يطير واحد طرف الظفر نيشان للعين..حرقني ولد الذينا..نضت ديركت للكوزينة..غسلت عينيا..و طليت في المرايا..بانت حمرا شي شوية..ما عليناش.
وذنيا بلا شوار..لقطوا شي أصوات من خارج الدار..اللغيط و الغوات..نسا و رجال في راسي تخلطات..ركبني الفضول..و خاصني ديك ساع يزول..قصدت الباب..رجلين حفيانة..ولباسي خفيف..بحال ديال الصيف.
كيف حليت الباب..و مديت عنقي في ارتياب..وهو يهجم عليا..ياودي بلاتي، و بلاتي..يا ربي آش هد الطلية.
تكلم و قاللي، الناس لابسين كبابط و صرعتهم..لا عساك نتا للي لابس حوايج كبور..و حدايا باغي تتخطر و تدور..دخل، دخل الله يلعن لما يحشم..
سديت الباب و دخلت..من بعد ما لامارة ديالو فيا لصقت.. بالعطيس قدامو تشمت..و ما حبست..آآآآآآآآآتشييييي..ها اللي ما بغينا..هذي هي التروينة..مناخري بدات تا تسيل..بحال واد النيل.
مع هذ فرعون..اللهم تبقا وسط لمانطة معجون..حتا من السخرة دير منها بالناقص.
ثلاث ايام يا خوتي وانا شاد لفراش..والحامض مقطع دواور محزوم عل الراس..
مني ما فاتني لحال..قصدت اللي هو سباب في شفا الناس..أيه، أيه..سي الطبيب..اللي ما يراعي للجيب..عمر ليا ورقة..صيفطني لعند مول الدوا..بخ عليا بشي كراطن..و لجيبي زاد كوى..إوا يالاه، همي هم..زادني شوكة تثقب اللحم.
الحاصول ومافيه
على حلّت باب و طلة..زدقت خاسر دراهم شللى..ومع الريح لواحد يبقا في الدار مريح..حتى يتبدل الجو مع الربيع بوفريح.
(قعقاع)
بغيت رايكم في واحد لقضية..ياك حنا تنعيشوا في بلاد الحرية..و حتا حد ما يقدر يقمعني ولا يتعدّا عليا..
إوا يا سيادي، انا راني تهنت..وقدام اهلي تبهدلت..بجورو فرعن، فرعن..و فيا ما حنّْ.
إوا سمعوا النازلة كيف طرات:
القصة يا لخوات..كانت في إحدى الليالي حياني..و اللي خرج فيها يقول آش داني..آش دانيييييي
المهم، مخشي في الدار..كالس وحدي في واحد لبيت بحال الغار..كنمقص في الظفار..مرة ندندن و مرة نهرنن..ساعة وهو يطير واحد طرف الظفر نيشان للعين..حرقني ولد الذينا..نضت ديركت للكوزينة..غسلت عينيا..و طليت في المرايا..بانت حمرا شي شوية..ما عليناش.
وذنيا بلا شوار..لقطوا شي أصوات من خارج الدار..اللغيط و الغوات..نسا و رجال في راسي تخلطات..ركبني الفضول..و خاصني ديك ساع يزول..قصدت الباب..رجلين حفيانة..ولباسي خفيف..بحال ديال الصيف.
كيف حليت الباب..و مديت عنقي في ارتياب..وهو يهجم عليا..ياودي بلاتي، و بلاتي..يا ربي آش هد الطلية.
تكلم و قاللي، الناس لابسين كبابط و صرعتهم..لا عساك نتا للي لابس حوايج كبور..و حدايا باغي تتخطر و تدور..دخل، دخل الله يلعن لما يحشم..
سديت الباب و دخلت..من بعد ما لامارة ديالو فيا لصقت.. بالعطيس قدامو تشمت..و ما حبست..آآآآآآآآآتشييييي..ها اللي ما بغينا..هذي هي التروينة..مناخري بدات تا تسيل..بحال واد النيل.
مع هذ فرعون..اللهم تبقا وسط لمانطة معجون..حتا من السخرة دير منها بالناقص.
ثلاث ايام يا خوتي وانا شاد لفراش..والحامض مقطع دواور محزوم عل الراس..
مني ما فاتني لحال..قصدت اللي هو سباب في شفا الناس..أيه، أيه..سي الطبيب..اللي ما يراعي للجيب..عمر ليا ورقة..صيفطني لعند مول الدوا..بخ عليا بشي كراطن..و لجيبي زاد كوى..إوا يالاه، همي هم..زادني شوكة تثقب اللحم.
الحاصول ومافيه
على حلّت باب و طلة..زدقت خاسر دراهم شللى..ومع الريح لواحد يبقا في الدار مريح..حتى يتبدل الجو مع الربيع بوفريح.
(قعقاع)
تعليقات
إرسال تعليق