بلادي

كلمة من القلب بغيت نقولها
بلادي الزينة نتمنى نشوفها
بين بلدان كبار معلق علامها
خيرها يعم كل واحد بلا تفريق
يدوق منو حتى لدايز مع طريق
نتاحدو مع بعضنا ضد السريق
نتشاركو جميع نعمرو السلة
وعلاش لا كلشي ياخد م الغلة
ولا واحد يبقى على لاخر يتفلى
لي عندو يعاون لي ما عندو
لي محتاج يلقى ف جنابو من يمدو
لي يتيم يشوف فينا باه و أمو و جدو
بغيتك يا لبلاد الزينة
من كل جهة فاتحة حضانك
ما تضيقي بحبابك ولا لدق بابك
وتكوني دوا لي شدوه رياحك
بغيت يا لبلاد الزينة
طرقانك سالكة حتى ف لجبال الواعرة
نتسارا ف أرض الشمال و أرض الصحرا
بلا خوف و كل أمان فيك يا حرة
بغيت يا لبلاد الزينة
ما يتميز فيك لون بشرة و لا نطق لسان
تكوني جنة لكل من هو إنسان
نعيشو تحت راية التوحيد و الإيمان.
وتبقى الأحلام أحلام
تنير عتمة الضلام
تؤنس السهران
ومن باله حيران
متحسرا عن ما فات
متطلعا لما هو آت

*قعقاع*