لقيت راسي بلخواء لخاوي عامر ..و ما داخل فيه نعمر به مطامر ..
محكور و مضرور .. أرا نخرج ندور.
خرجت تمشيت حتى وصلت للبحر ..
بقيت تنشوف في لماج تتهرس عل الصخر.
خممت أن الصخر هو دوا هياج البحر ..
حيث قادر يحكم و يسيطر ..على اللي من لمّاج هاج و ضسر.
قلت مع راسي نجرب و نخبط راسي بشي من الحجر ..
عسى هذ الراس يحشم، راه عليا قجَر.
ما عطلنيش القدر.
جوج بعالك ..
يتراشقوا بالحصى ..و حدة منهم ما تجي غير فوك كنتي و ترصى..
آآآآآآي ..ميمتي، ميمتي، ميمتي..
أ بحال يلا ضربني ضَو مع صوت قّو..
دخت، ولارض بيا دارت .. وذنيا بحال تيتقرقبوا فيهم السوارت.
(سمح لينا آ عمو ..سمح لينا عافاك..سيروا ..سيروا ..ما كاين باس)
الله اللي عالم بهذ الراس ..
أو حيث صلع ..حسيت بحال شي طبل تفرع ..
ما قده التخمام .. صيفطوا ليا حجرة بحال الى راني وسط فرك ديال لحمام ..
جابت ليا التمام.
بيني و بينكم داروا فيا خير كبير ..
ياللاه،كون ضربت راسي بشي طوووبة نيت..كون منها ما وعيت ..ولا نتذكر حتى منين جيت.
المهم, بشوية حتى وصلت بجنب الصخر ..
مع الدوخة حسن ليا نجلس ..ولا نبقى بين الوجوه نتبربص..
إيييه نشوف الباركو راه فين راه ..
علم الله آش محملة الشبكة اللي جار وراه..
و الرياسة كلها شاد لكصبة حداه ..
ضحكت،
كل واحد و رزقو وفين داه ..شي حدا رجليه ..وشي مغرق لهيه..
فيقني من هذ السرحة صوت
..ما هو صداع ولا غوت ..
صوت ينين ..بحال تهرنين ..
تخطفت ..
وبديت كانتلافت ..
بانت ليا قرعة، هي زاج أو بلاستيك .. مديت لها يدي غير بالشويك ..
تتا آش هذ شي، لوسط هذ لعجب مخشي ..زغبت راسي،
مع حليت لبوشون ..هاو عيني ما تشوف إلا النجوم ..آ تنشرت ..وممكن تكول طرت ..فين، لاين، ما عرفت
المهم و الحاصول ..هذا كلام آخر حديثو يطول..
خليت لكم لهنا، انا غير مهبول و مجهول..
(قعقاع)
محكور و مضرور .. أرا نخرج ندور.
خرجت تمشيت حتى وصلت للبحر ..
بقيت تنشوف في لماج تتهرس عل الصخر.
خممت أن الصخر هو دوا هياج البحر ..
حيث قادر يحكم و يسيطر ..على اللي من لمّاج هاج و ضسر.
قلت مع راسي نجرب و نخبط راسي بشي من الحجر ..
عسى هذ الراس يحشم، راه عليا قجَر.
ما عطلنيش القدر.
جوج بعالك ..
يتراشقوا بالحصى ..و حدة منهم ما تجي غير فوك كنتي و ترصى..
آآآآآآي ..ميمتي، ميمتي، ميمتي..
أ بحال يلا ضربني ضَو مع صوت قّو..
دخت، ولارض بيا دارت .. وذنيا بحال تيتقرقبوا فيهم السوارت.
(سمح لينا آ عمو ..سمح لينا عافاك..سيروا ..سيروا ..ما كاين باس)
الله اللي عالم بهذ الراس ..
أو حيث صلع ..حسيت بحال شي طبل تفرع ..
ما قده التخمام .. صيفطوا ليا حجرة بحال الى راني وسط فرك ديال لحمام ..
جابت ليا التمام.
بيني و بينكم داروا فيا خير كبير ..
ياللاه،كون ضربت راسي بشي طوووبة نيت..كون منها ما وعيت ..ولا نتذكر حتى منين جيت.
المهم, بشوية حتى وصلت بجنب الصخر ..
مع الدوخة حسن ليا نجلس ..ولا نبقى بين الوجوه نتبربص..
إيييه نشوف الباركو راه فين راه ..
علم الله آش محملة الشبكة اللي جار وراه..
و الرياسة كلها شاد لكصبة حداه ..
ضحكت،
كل واحد و رزقو وفين داه ..شي حدا رجليه ..وشي مغرق لهيه..
فيقني من هذ السرحة صوت
..ما هو صداع ولا غوت ..
صوت ينين ..بحال تهرنين ..
تخطفت ..
وبديت كانتلافت ..
بانت ليا قرعة، هي زاج أو بلاستيك .. مديت لها يدي غير بالشويك ..
تتا آش هذ شي، لوسط هذ لعجب مخشي ..زغبت راسي،
مع حليت لبوشون ..هاو عيني ما تشوف إلا النجوم ..آ تنشرت ..وممكن تكول طرت ..فين، لاين، ما عرفت
المهم و الحاصول ..هذا كلام آخر حديثو يطول..
خليت لكم لهنا، انا غير مهبول و مجهول..
(قعقاع)
تعليقات
إرسال تعليق