لمالكاني بيني و بينها حكايات
من وسط ارض الغمة خرجات
كيف النوارة في حياتي زهرات
سحرني فهمها و نظرتها للحياة
أما بياض لوجه و دوك لعوينات
سلبوني,
راني في حالة احسن من اللي فات
القلب الصافي.. و بعقلية زينة تنورات
خدود شهدية بلا صباغات
القد مزيون و زايداها بالسرورات
صورتها ف خاطري ربعات
تاج الزين و الرصانة، لالة لبنات
شللى ما نقول فيها يا الخوات
محاسن لأخلاق و الفعال بينات
كون الدنيا غير شوية ليا فرشات
هي هي, ولا غيرها نشرك معاه الحياة
هي الونيس و مت الوليدات
انت نعيش معاك حتى لممات
يا لاقدار الخاطياني كيف طول لوقات
واش فرحي مسجل في صفحة الوفيات
(قعقاع)
تعليقات
إرسال تعليق