واقع

قصة زوج مخلوقات
الذيب داير بجنابو شللا غنم
يرعى وسطها بلا ما يحشم
قاض غراضو و شبعان لحم.
الثعلب مسيكين جلد عل لعظم
ديما يتوجع تقول واكل السم
ضلوعو باينة ما يكساب شحم .
ضرو راسو ملي بدا يخمم
...
علاش هذاك وحدو في الخير يتنعم؟
ياك أنا وياه ولاد العم
في الحقيقة هو ما يقدر يهجم
و الى دارها يندم أشد الندم
يا ترى آش من حيلة يخدم 
باش على شي حصيصة يزطم
ولد الذين يضرب ضربة لمعلم
طاح الأرض ،يخطط و يرسم
كيف يلقى طريق منها يتقدم
من المعلوم مكايدوا الكل منها يتعلم.
صاب حيلة جهنمية وعليها عزم
وخا خواف و قفقاف ما تبرم 
قصح قلبو و جمع الوقفة و زعم
قصد الذيب و نيفو ف لرض يشمشم

بدا كيخدم شي نواعر و يبركم
مرة يفرز .. و مرة يتمثم
وصل لاين بغا و تحزم
و هو..
..؟
..؟
..
..
..
لحاصيل وصل ما بغا و غنم
وإلى سولتوا آش دار هذ اللي ما يحشم؛؛؛حتى خلى الذيب ليه يسلم؛؛؛ويشاركو، و معاه يقسم
ما بغاش يعاود ليا ولد الهم؛؛؛راسو مظلم ولسانو ملجم؛؛؛مسخوط شكون يعلم آش كاتم؛؛؛و إنا سر بارم؛؛؛و عليه داير الطم
ههه ههه شكون يعلم...شكون مولى نوبة ؟

(قعقاع)