مضا من السيف

هذا يا سيادي هو اللسان
سلاح في ملك كل إنسان
يكيد العمى على طريقو تلفان
هذ اللسان قالوا ما فه عظم
هو دوا لمن يتألم
و لكن راه يبني و يحطم
في جمع غفير قادر يتحكم
رفيق الجاهل حتى يتعلم
هذ قطعة اللحم حدُّ ماضي
يخلق لبلبالا يا سيادي
يفحفح سمو في وجه من يعادي
هذا اللسان
نعمة من نعم الرحمان
يطوع حروف و صوت بإتقان
يدندن بلحان ميزان
يمدح و يخاطب الوجدان
و أخطر مافيك يا لسان
راك تتحكم حتى بالجان

(قعقاع)